Top 5 van verkiezing Mooiste Drentse Woord 2021 bekend

Streektaolorganisatie het Huus van de Taol is, zoas aal jaor, weer op zuuk gaon naor het Mooiste Drentse Woord. In Beilen bint de stemmen bint nou teld en dus is het tied veur de Top 5.

Zowat 500 inzendingen kwamen der binnen veur dizze verkiezing en daor bint ze bij het Huus van de Taol slim wies met! Directeur Renate Snoeijing: ‘Dizze verkiezing gef oes vanzölf de meugelijkheid um de riekdom van oeze taol zien te laoten. Maor het is veur oeszölf ok belangriek um te zien hoeveul volk der een woord instuurt. Wij hebt nog nooit zoveul inzendingen had as dit jaor, dus het Drents leeft in elk geval nog goed!’.

Top 5

• Gaorenklopper
• Vernuvern
• Boezig
• Gloepends
• Kopstubber

Vanof nou kan der nog een week stemd worden op dizze vief woorden. Op maondag 20 december mak het Huus van de Taol dan het Mooiste Woord van 2021 bekend bij Radio Drenthe. Stemmen kan tot 20 december op https://www.huusvandetaol.nl/top5 .

Het Huus van de Taol is de streektaolorganisatie die het Drents anfietert met as doel um het een taol te laoten weden waor de gebroekers groots op bint en die de niet-gebroekers waardeert.